Ajankohtaista

14.11.2020    Uhut-šeuran toteuttama Kantatuattojen kieli ei šua šammuo – projekti

 Alevtina Lesonen

Uhut-šeuran toteuttama Kantatuattojen kieli ei šua šammuo – projekti piäsi Karjalan tašavallan kanšallisen ta alovahellisen politiikan ministerijön järještämän projektikilpailun voittajien listoilla tämän vuuvven tuiskukuušša. Še šai hyvyä tukie ta rahotušta.
Projektin järještämisen alušta šen rajoissa on luajittu monta hyvyä työtä ta pietty äijä toimehpitoja, niijen joukkoh kuulutah: ”Muistuo šäilytämmä”, ”Kalevalan kirjailijat”, ”Kalevalan mieš. Oiva Mäkelä”, piirienvälini konferenšši ”Ei-kaupallisien järještöjen toiminta karjalan kielen ta kulttuurin šäilyttämisekši”. Projekti jatkuu pimiekuun loppuh šuaten.

12.11.2020   Uhut-šeuran Kantatuattojen kieli ei šua šammuo -projektin rajoissa Pakajamma karjalakši -kurššien ošanottajat käytih Karjalan kanšallisen kirjailijan Ortjo Stepanovin kotimualla, Haikol’ašša.

Alentiva Lesonen

Šajekuun lopušša Uhut-šeuran Kantatuattojen kieli ei šua šammuo -projektin rajoissa Pakajamma karjalakši
-kurššien ošanottajat käytih Karjalan kanšallisen kirjailijan Ortjo Stepanovin kotimualla, Haikol’ašša.
Mihkali ta Ol’ga Stepanovit aktiivisešti toteutetah projektija ta šuoritetah tutkimuštyötä. Nykyjäh Haikol’ašša on
Ortjo Stepanovin musejo, Onton talo, VIII vuosišuan ikivanha aitta, kalmismua, missä on hauvattu monta šukupolvie.
Viime vuotena Haikol’ah kävi 3000 ihmistä. Koronaviirussin pandemijan takie tänä vuotena Haikolʼassa oli vain 300
kävijyä. Šeuruavana kešänä šuunnittellah järještyä šuuri pruasniekka, mi on omissettu Haikol’an 300-vuotispäivällä.

27.05.2020    Paavo Ahava 90v.

Uhtua-Seuran peruštajajäšen, pitkäaikani piämieš (1991-2003) ta meijän yhissykšen kunnivopiämieš täytti 
27. oraškuuta  90 vuotta.

Uhtua-Seura ry onnittelou Paavuo!

07.05.2019    Vienankarjalan ta kulttuuri kurššit 27.6.-1.7.2019 Uhtuošša

 Vienankarjalan ta kulttuurin kurit pietäh 27.6–1.7.2019 Uhtuošša elikkä nykyseššä Kalevalašša. Kurššipaikkana on Mobergin talo. Opaštajina ollah Valentina Karakina ta Olga Karlova. Kurššien pakinateemana on Ihmisen tervehyš ta hyvinvointi, läsinnät šekä luonnonantimet tervehyön kohentamisekši. Kurššilla šuau opaštuo šamoin vienankarjalan peruškieliopppie ta -šanaštuo. Varšinaisen kieliopaššukšen lisäkši on šuunniteltu kokopäiväretki Haikol’an kyläh ta ošallistumini Šommelo-festivalin tapahtumih.

 Lue tarkemmin tästä tiedote, ilmoitautumisohjeet ja ohjelma